Ադրբեջանում աճել են պաշտպանության և ազգային անվտանգության ծախսերը

Հրապարակվել են անցած տարվա՝ Ադրբեջանի պաշտպանության և ազգային անվտանգության ծախսերը։

Ինչպես հայտնում է Caliber.Az-ը, դա արտացոլված է՝ ԱՀ 2022 թվականի պետական բյուջեի կատարման մասին տարեկան զեկույցում, որն այսօր քննարկվել է՝ Միլլի Մեջլիսի տնտեսական քաղաքականության, արդյունաբերության և ձեռներեցության հանձնաժողովի նիստում։

Նշվում է, որ 2022 թվականին պաշտպանության և ազգային անվտանգության վրա ծախսվել է պետբյուջեի 17,5%-ը կամ 5622,5 մլն մանաթ, ինչը 737,0 մլն մանաթով կամ 15,1%-ով ավելի է 2021թ. համեմատ: