Լոնդոնից Հոնկոնգ թռչող British Airways-ի ինքնաթիռը հարկադիր վայրէջք է կատարել Բաքվում

Լոնդոն-Հոնկոնգ չվերթ իրականացնող British Airways ավիաընկերության օդանավի կապիտանը՝ արտակարգ վայրէջքի խնդրանք է ուղարկել Հեյդար Ալիևի Միջազգային օդանավակայան։

Այս մասին հայտնում է Caliber.Az-ը՝ հղում անելով Հեյդար Ալիևի Միջազգային օդանավակայանի մամուլի ծառայությանը։

Հաղորդագրության համաձայն, դրա պատճառը եղել է՝ ինքնաթիռում գտնվող ուղևորներից մեկի ինքնազգացողության կտրուկ վատթարացումը։

Boeing 787 օդանավը բարեհաջող վայրէջք է կատարել Բաքվի օդանավակայանում՝ տեղական ժամանակով ժամը 05:09-ին։

Ուղևորը հանձնվել է շտապօգնության թիմին, որը նրան տեղափոխել է մայրաքաղաքի կլինիկաներից մեկը։ Նրա հետ միասին Բաքվում է մնացել՝ ընտանիքի անդամ հանդիսացող չվերթի մեկ այլ ուղևոր:

British Airways ավիաընկերության ինքնաթիռը Հեյդար Ալիևի Միջազգային օդանավակայանից թռիչք է կատարել Հոնկոնգ Բաքվի ժամանակով 07:37-ին։