Բաքու-Թբիլիսի չվերթի ինքնաթիռը եղանակային վատ պայմանների պատճառով վերադարձել է մեկնման օդանավակայան

Բաքու-Թբիլիսի երթուղում գտնվող AZAL ՓԲԸ-ի J2-9225 չվերթ իրականացնող «Buta Airways» ավիաընկերության օդանավի կապիտանը որոշել է վերադառնալ մեկնման օդանավակայան։

Ինչպես հայտնում է Caliber.Az-ը՝ AZAL-ի մամուլի ծառայությանը հղումով, պատճառը եղել է՝ Թբիլիսիի օդանավակայանի մոտ եղանակային պայմանների կտրուկ վատթարացումը (ամպրոպ)։

Ինքնաթիռը բարեհաջող վայրէջք է կատարել Հեյդար Ալիևի անվան Միջազգային օդանավակայանում տեղական ժամանակով 23:12-ին։

Այս չվերթի ուղևորները Թբիլիսի կմեկնեն քաղաքում եղանակային պայմանների բարելավումից հետո։