Ադրբեջանում մեկնարկել է հերթական զորակոչը

Ադրբեջանի նախագահը ստորագրել է ամառային զորակոչի և զորացրման մասին հրամանագիրը:

Ինչպես Caliber.Az-ին տեղեկացրել են Ադրբեջանի մոբիլիզացիայի և զորակոչի պետական ծառայությունից, ըստ հրամանագրի՝

2022-ի հուլիսի 1-ից մինչև հուլիսի 30-ը պարտադիր զինծառայության են զորակոչվելու 2004-ին ծնված Ադրբեջանի քաղաքացիները, որոնց 18-ամյակը պետք է լրացած լինի մինչև զորակոչման օրը` ներառյալ նաև զորակոչման օրը, ինչպես նաև մինչև 35 տարեկան այն քաղաքացիները, որոնք դեռևս չեն անցել պարտադիր զինվորական ծառայություն կամ չեն ազատվել Ադրբեջանի զինված ուժերում կամ այլ զինվորական կազմավորումներում ծառայությունից:

Նույն ժամկետում` 2022-ի հուլիսի 1-ից մինչև հուլիսի 30-ը, պետք է պահեստազոր զորացրվեն պարտադիր զինծառայությամբ սահմանված ժամկետում ծառայած զինծառայողները: