Բաքվի թանգարանին նվիրել են Շուշայում գործված յուրօրինակ գորգ

Գորգի ազգային թանգարանում տեղի է ունեցել պրոֆեսոր Էլմիրա Սուլեյմանովայի կողմից թանգարանի Շուշայի մասնաճյուղին նվիրած «Լամփա» գորգի շնորհանդեսը։

Բացելով միջոցառումը՝ թանգարանի տնօրեն Շիրին Մալիքովան խոսել է այս գորգի յուրահատկության մասին, հաղորդում է Caliber.Az-ը։

Նա նշել է, որ վերջին շրջանում թանգարանին նվիրաբերվել են եզակի ցուցանմուշներ, և այս ամենը հարստացնում է թանգարանի ֆոնդը. «Երբեմն մարդիկ նույնիսկ իրենց անձնական հավաքածուներից նմուշներ են նվիրում մեզ։ Թանգարանին նվիրաբերված յուրաքանչյուր ցուցանմուշ մեզ համար շատ կարևոր է»։

Մշակույթի փոխնախարար Սևդա Մամեդալիևան ուշադրություն է հրավիրել շնորհանդեսի առանձնահատուկ բնույթի վրա. «Անձամբ իմ և մշակութային հանրության անունից շնորհակալություն եմ հայտնում Էլմիրա խանումին այս արժեքավոր նվերի համար։ Ղարաբաղը և նրա մշակույթը շատ արժեքավոր են մեզ համար։ Մշակույթի այս նմուշները մեր ազգային հարստությունն են»։