Ադրբեջանցի ֆուտբոլիստը գտել է պատերազմում զոհված հոր գերեզմանը 32 տարի անց

32 տարի անց հայտնաբերվել է «Շամքիր» ֆուտբոլային ակումբի գլխավոր մարզիչ Վուգար Նադիրովի հոր գերեզմանը, ով զոհվել է Ղարաբաղյան առաջին պատերազմում։

Ինչպես հայտնում է Oxu.Az-ը, Էրշադ Նադիրովի թաղման վայրը հայտնաբերվել է Աղդամի շրջանում ադրբեջանի տարածքների ազատագրումից 4,5 տարի անց։

Ուզունդերե կոչվող տարածքը, որտեղ գտնվում է Վուգար Նադիրովի հոր գերեզմանը, օկուպացիայից ազատագրվել է 44-օրյա Հայրենական պատերազմի ժամանակ, սակայն քանի որ այստեղ վտանգավոր է, իսկ օկուպացիայի ժամանակ գերեզմանատունը ավերվել է հայերի կողմից, ֆուտբոլիստը դիմել է համապատասխան մարմիններին՝ խնդրանքով գտնել գերեզմանը և թույլ տալ նրան այցելել այնտեղ։ Ի վերջո, այսօր ընտանիքի անդամները մեկնել են Աղդամի շրջան և այցելել գերեզման։

Էրշադ Նադիրովն իր մարտական ընկերների հետ զոհվել է 1993 թվականի հուլիսի 22-ին՝ Աղդամի օկուպացման նախօրեին, հայերի կողմից արձակված հրթիռի պայթյունի հետևանքով։ Հուղարկավորվել է Ուզունդերեի Նահատակների ծառուղում։