Ադրբեջանի ԶՈւ հրթիռահրետանային ստորաբաժանումները կատարել են առաջադրանքները

2024 թվականի պատրաստության պլանի համաձայն՝ Ադրբեջանի Ցամաքային զորքերի հրթիռահրետանային ստորաբաժանումները կատարել են կրակային տարբեր վարժություններ։

Այս մասին Caliber.Az-ին հայտնել են Ադրբեջանի պաշտպանության նախարարությունից։

Ստորաբաժանումները, որոնք, ըստ պլանի, պետք է իրականացնեին կրակային աջակցություն, մշտական տեղակայման կետերից դուրս են բերվել կենտրոնացման վայրեր և գրավել կրակային դիրքեր։

Իրական մարտի պայմաններին համապատասխան անցկացված վարժանքների ընթացքում կատարվել են պայմանական հակառակորդի թիրախները հայտնաբերելու և ոչնչացնելու առաջադրանքներ։