Ադրբեջանում կկայանա ԻՀԿ գագաթնաժողովը

Հաջորդ տարի Ադրբեջանում կկայանա Իսլամական համագործակցության կազմակերպության (ԻՀԿ) գագաթնաժողովը։

Ինչպես հաղորդում է Report-ը, այս մասին հայտարարել է փոխարտգործնախարար Յալչին Ռաֆիևը Միլլի Մեջլիսի միջազգային հարաբերությունների և միջխորհրդարանական կապերի հանձնաժողովում «Գլոբալ Հարավի և Արևմուտքի վերելքը. Ադրբեջանի դերը, համագործակցության և զարգացման նոր հնարավորություններ» թեմայով քննարկումների ժամանակ:

Նրա խոսքով՝ Ադրբեջանի առաջիկա ժամանակահատվածի օրակարգում ներառված են բազմաթիվ կարևոր միջոցառումներ։

«Հաջորդ երկու տարիների ընթացքում Ադրբեջանը կնախագահի ԻՀԿ-ում։ Բաքվում նախատեսվում է անցկացնել նաև ուրբանիզացիայի գլոբալ ֆորումը և այլ միջոցառումներ», - ասել է նա։