Ադրբեջանում կմշակվի հետախուզական և հակահետախուզական ծախսերի վերահսկման նախագիծ

Ադրբեջանում կմշակվի պետական բյուջեից և օրենքով չարգելված այլ աղբյուրներից հետախուզական և հակահետախուզական գործունեության հետ կապված հատկացվող միջոցների օգտագործման ֆինանսական վերահսկողության կարգը։

Ինչպես հայտնում է Caliber.Az-ը, դա արտացոլված է նախագահ Իլհամ Ալիևի կողմից հաստատված «Հետախուզության և հակահետախուզության մասին» օրենքում կատարված փոփոխություններում։

Նախարարների կաբինետին հանձնարարվել է երկամսյա ժամկետում մշակել պաշտպանության նախարարության, պետական անվտանգության ծառայության, արտաքին հետախուզության, նախագահի անվտանգության ծառայության, հատուկ կապի և տեղեկատվական անվտանգության ծառայության և պետական սահմանապահ ծառայության հետախուզության և հակահետախուզության ոլորտում ֆինանսատնտեսական գործունեության մշտադիտարկման կարգի նախագիծ։