Ադրբեջանում կրճատվել է առողջապահության ոլորտի աշխատողների թիվը

2010-2024 թվականներին Ադրբեջանում նվազել է առողջապահության ոլորտի աշխատակիցների թիվը 10 000 բնակչի հաշվով։

Ինչպես տեղեկացնում է Oxu.Az-ը՝ հղում անելով պաշտոնական վիճակագրությանը, այս ցուցանիշը 2010 թվականի 103.6-ից նվազել է մինչև 90.9-ի՝ 2024 թվականին։

Բժիշկների թիվը 10 000 բնակչի հաշվով 36.8-ից նվազել է մինչև 34.5, իսկ միջին բուժաշխատողների թիվը՝ 66.8-ից մինչև 56.4։

Ընդհանուր առմամբ, առողջապահության ոլորտի աշխատակիցների թիվը 2010 թվականի 93,170-ից նվազել է մինչև 92,896՝ 2024 թվականին։ Սակայն, բժիշկների թիվը 33 085-ից աճել է մինչև 35 233։ Ընդ որում, միջին բուժաշխատողների թիվը նվազել է 2 422 մարդով և կազմել 57 663 մարդ։