Ադրբեջանում կրճատվել են քաղցրահամ ջրի պաշարները

Ադրբեջանում քաղցրահամ ջրի ստորգետնյա պաշարները 10 միլիարդ խորանարդ մետրից նվազել են մինչև մոտ 8 միլիարդ խորանարդ մետրի։

Ինչպես հաղորդում է Report-ը, այս մասին հայտարարել է Ջրային ռեսուրսների օգտագործման և պաշտպանության պետական վերահսկողության ծառայության բաժնի ղեկավար Ռաֆիգ Վերդիևը՝ ՄԱԿ-ի Կլիմայի փոփոխության հարցերով տեղական երիտասարդական LCOY Azerbaijan 2025 համաժողովի փակման արարողության շրջանակներում կազմակերպված պանելային քննարկումների ժամանակ։

Նրա խոսքով՝ ներկայումս Ադրբեջանում քաղցրահամ ջրի ստորգետնյա պաշարները կազմում են 8.4 միլիարդ խորանարդ մետր. «Այսպիսով, երկրի վերականգնվող քաղցրահամ ջրի պաշարները հասնում են 26.2 միլիարդ խորանարդ մետրի, սակայն բնական աղբյուրներից եկող ջրի կորուստը հասնում է 25%-ի»։