Ադրբեջանում մեկնարկում է դպրոցական ավտոբուսի նախագիծը

Երկար սպասված դպրոցական ավտոբուսի նախագիծը Ադրբեջանում փորձնական ռեժիմով կմեկնարկի հոկտեմբերի 1-ին։

Այս մասին Caliber.Az-ին հայտնել է գիտության և կրթության նախարար Էմին Ամրուլլաևը։

Նրա խոսքով, նախագիծը սկզբում կընդգրկի մոտավորապես 1200 դպրոցական։ Նախարարը շեշտել է, որ այս նախաձեռնությունն իրականացվում է որպես պետական և մասնավոր հատվածի համատեղ նախագիծ։

«Մենք ձգտում ենք առաջին հերթին ներգրավել քաղաքների կենտրոններում գտնվող դպրոցները և կրթական հաստատությունները, որտեղ այս համակարգի ներդրումը կունենա ամենամեծ ազդեցությունը։ Նախագիծը մեկնարկում է փորձնական ռեժիմով, և դրա հիմնական նպատակն է ապահովել երեխաների անվտանգ և հարմարավետ փոխադրումը դպրոց», - ասել է նա։