Ադրբեջանում մշակում են հրդեհային ռիսկի քարտեզ. Բախիշով

Ադրբեջանցի մասնագետները սկսել են մշակել հրդեհային ռիսկերի քարտեզ։

Report-ի փոխանցմամբ՝ այս մասին հայտարարել է Ադրբեջանի տիեզերական գործակալության (Azercosmos) աշխարհագրական տեղեկատվական համակարգերի կենտրոնի տնօրեն Իսմեթ Բախիշովը Թյուրքական պետությունների կազմակերպության (ԹՊԿ) քարտեզագրական հաստատությունների ղեկավարների 2-րդ հանդիպման ժամանակ։

Նրա խոսքով՝ այս ոլորտում իրականացվում է տարածքների կանոնավոր մոնիթորինգ, պատրաստվում են զեկույցներ:

Կենտրոնի տնօրենը հայտնել է, որ ներկայումս ակտիվ աշխատանքներ են տարվում Ադրբեջանի բոլոր հաղորդակցության, տրանսպորտի և այլ կարևոր ենթակառուցվածքային օբյեկտների քարտեզագրման ուղղությամբ։