Ադրբեջանում սկսվում է ոչ աշխատանքային շաբաթ

Վաղվանից Ադրբեջանում սկսվում են յոթօրյա արձակուրդները։

Ինչպես հայտնում է Caliber.Az-ը, դեկտեմբերի 31-ին երկրում նշվում է ողջ աշխարհի ադրբեջանցիների համերաշխության օրը և Նոր տարին։

Նախարարների կաբինետի որոշմամբ՝ աշխատանքային և հանգստյան օրերի հաջորդականությունն ապահովելու նպատակով 2024 թվականի դեկտեմբերի 30-ի և 2025 թվականի հունվարի 3-ի աշխատանքային օրերը փոխարինվում են 2024 թվականի դեկտեմբերի 28-ի և 29-ի հանգստյան օրերի հետ։

Այսպես, նոր տարում Ադրբեջանում 7 օր անընդմեջ՝ դեկտեմբերի 30-ը, 31-ը, հունվարի 1-ը, 2-ը, 3-ը, 4-ը, 5-ը (շաբաթ-կիրակի) ոչ աշխատանքային են։

Հանգստյան օրերից հետո առաջին աշխատանքային օրը կլինի հունվարի 6-ը։