Ադրբեջանը դիմել է ՄԱԿ-ի Կենսաբազմազանության մասին կոնվենցիայի Կողմերի համաժողովն անցկացնելու հայտ

Ադրբեջանը 2026 թվականին ՄԱԿ-ի Կենսաբազմազանության մասին կոնվենցիայի Կողմերի համաժողովը հյուրընկալելու հայտ է ներկայացրել։

Ինչպես հայտնում է Caliber.Az-ը, այս մասին Բաքվի կլիմայական գործողությունների շաբաթում հայտարարել է բնապահպանության և բնական պաշարների նախարար Մուխտար Բաբաևը։

Նրա խոսքով, 3 շաբաթից Կալիում (Կոլումբիա) նախատեսվում է ՄԱԿ-ի Կենսաբազմազանության մասին կոնվենցիայի Կողմերի 16-րդ համաժողովը. «Ադրբեջանի թեկնածությունն առաջադրվել է՝ 2026 թվականին հյուրընկալելու ՄԱԿ-ի Կենսաբազմազանության մասին կոնվենցիայի Կողմերի հերթական՝ 17-րդ համաժողովը։ Այս հարցի վերաբերյալ վերջնական որոշում կկայացվի Կալիում հաջորդ ամսվա վերջին»։