Ադրբեջանը մասնակցել է Թուրքիայում կանանց միջազգային ֆորումին

Անկարայում՝ «Ուժեղ կանայք, խաղաղասեր դիվանագիտություն, Քեչիորենից մինչև խաղաղություն» խորագրով միջոցառում է անցկացվել։
 
Ինչպես տեղեկացնում է Report-ը, միջոցառումը կազմակերպել է Քեչիորենի շրջանի քաղաքապետարանը՝ ՄԱԿ-ի կողմից հռչակված Կանանց դիվանագիտության միջազգային օրվա կապակցությամբ, որը նշվում է հունիսի 24-ին։
 
Քեչիորենի քաղաքապետ Մեսութ Օզարսլանի կնոջ՝ Ֆիլիզ Օզարսլանի ղեկավարությամբ արարողությունը տեղի է ունեցել՝ Հանրապետության Աթաթուրքի աշտարակում։ Միջոցառմանը մասնակցել են՝ դեսպաններ, դիվանագիտական ​​կորպուսի ներկայացուցիչներ, ԹՈՒՐՔՍՕՅ-ի  երկրների պատվիրակություններ, խորհրդարանի պատգամավորներ, քաղաքական կուսակցությունների ներկայացուցիչներ, կանանց կազմակերպությունների նախագահներ, Թուրքիայում Ադրբեջանի դեսպանատան առաջին քարտուղար Այգյուն Գոջաևան, ինչպես նաև դիվանագիտության մասին գրող ադրբեջանական լրատվամիջոցների ներկայացուցիչներ։
 
Ֆիլիզ Օզարսլանը իր բացման խոսքում նշել է կանանց դերը հասարակությունում. «Կանանց դիրքը մեր հասարակությունում օրեցօր ամրապնդվում է: Սակայն կանանց դերի կարևորությունը միջազգային ասպարեզում, մասնավորապես՝ դիվանագիտության մեջ, դեռևս պատշաճ կերպով չի գնահատվում: Այսօր մենք հավաքվել ենք այստեղ՝ ընդգծելու այս փաստը և հարգանքի տուրք մատուցելու կանանց ներդրմանը խաղաղության կառուցման գործում»: