Բաքվից մեկնող ինքնաթիռները վայրէջք են կատարել այլընտրանքային օդանավակայաններում

Պարսից ծոցի օդային տարածքում ժամանակավոր սահմանափակումների պատճառով, 2025 թվականի հունիսի 23-ին, Հեյդար Ալիևի անվան միջազգային օդանավակայանից մեկնող մի շարք միջազգային չվերթները չեն կարողացել վայրէջք կատարել իրենց նախատեսված վայրերում և անվտանգության նկատառումներից ելնելով՝ ուղղորդվել են այլընտրանքային օդանավակայաններ։
 
Այս մասին հաղորդում է Caliber.Az-ը՝ հղում անելով Հեյդար Ալիևի անվան միջազգային օդանավակայանին։
 
Qatar Airways-ի Բաքու-Դոհա և Kuwait Airways-ի Բաքու-Քուվեյթ չվերթի ինքնաթիռը վայրէջք  է կատարել Ջիդդայի միջազգային օդանավակայանում (Սաուդյան Արաբիա), իսկ Wizz Air Abu Dhabi-ի Բաքու-Աբու Դաբի չվերթի ինքնաթիռը՝ Մեդինայի միջազգային օդանավակայանում։
 
Իրավիճակը անհապաղ գնահատվել է միջազգային ավիացիոն անվտանգության արձանագրությունների շրջանակներում, և անմիջապես ձեռնարկվել են բոլոր անհրաժեշտ միջոցները՝ ուղևորների և անձնակազմի անդամների անվտանգությունն ապահովելու համար։