Դատարանը մերժել է «Սպուտնիկ Ազերբայջան»-ի ձերբակալված աշխատակիցների բողոքարկումը

Հուլիսի 7-ին Բաքվի դատարանը մերժել է՝ «Սպուտնիկ Ազերբայջան»-ի լրագրողներ Իգոր Կարտավիխի և Եվգենի Բելոուսովի փաստաբանների բողոքարկումները՝ նրանց խափանման միջոցը փոխելու վերաբերյալ։
 
Ինչպես հաղորդում է APA-ն, առաջին ատյանի դատարանի որոշումը՝ խափանման միջոց ընտրելու վերաբերյալ, կալանքի տեսքով մնացել է ուժի մեջ։
 
Հիշեցնենք, որ հուլիսի 1-ին դատարանը՝ «Սպուտնիկ Ազերբայջան» տեղեկատվական գործակալության տնօրեն Իգոր Կարտավիխի և աշխատակից Եվգենի Բելոուսովի համար խափանման միջոց  է ընտրել կալանքը, որոնք ձերբակալվել էին ոստիկանության կողմից նախորդ օրը՝ մեդիա ռեսուրսի գրասենյակում անցկացված գործողության արդյունքում։
 
Խաթայիի շրջանային դատարանի որոշմամբ նրանք կալանավորվել են 4 ամիս ժամկետով։
 
Նրանց մեղադրանք է առաջադրվել Ադրբեջանի Հանրապետության քրեական օրենսգրքի 178.3.1, 192.2.2, 192.2.3, 193-1.3.1, 193-1.3.2 հոդվածներով։