Ադրբեջանը դիտարկում է Պակիստանի հետ դեղորայքի համատեղ արտադրության հարցը

Այսօր մենք քննարկեցինք նաև պաշտպանական արդյունաբերության ոլորտում գերազանց համագործակցությունը և առաջարկեցինք աշխատանքներ սկսել պաշտպանական տեխնիկայի համատեղ արտադրության ուղղությամբ։ Դրա համար կա ներուժ:

Ինչպես հաղորդում է AZERTAC-ը, այս մասին ադրբեջանա-պակիստանյան գործարար համաժողովում ասել է նախագահ Իլհամ Ալիևը։

«Միևնույն ժամանակ մենք գիտենք, որ Պակիստանն ունի շատ զարգացած դեղագործական արդյունաբերություն: Ինձ տրամադրված տեղեկատվության համաձայն՝ Ադրբեջանում գրանցված է Պակիստանի ավելի քան 90 անուն դեղագործական արտադրանք։ Այսպիսով, մեր առաջարկը ներառում է նաև Ադրբեջանում դեղագործական արտադրանքի համատեղ արտադրության հնարավորությունների դիտարկումը»,- նշել է պետության ղեկավարը՝ ընդգծելով, որ հսկայական ներուժ կա նաև շատ այլ ոլորտներում։