Ալիևն ու Բեկտենովը քննարկել են նավթագազային և տրանսպորտային նախագծերի իրագործումը

Մարտի 3-ին Ադրբեջանի նախագահ Իլհամ Ալիևն ընդունել է Ղազախստանի վարչապետ Օլժաս Բեկտենովին։

Ինչպես հայտնում է Caliber.Az-ը, այս մասին տեղեկություն է տեղադրվել պետության ղեկավարի պաշտոնական կայքում։

Հանդիպմանը Իլհամ Ալիևը գոհունակություն է հայտնել երկու երկրների միջև հարաբերությունների դինամիկ զարգացման կապակցությամբ, հիշեցրել է նախագահ Կասիմ-Ժոմարտ Տոկաևի մասնակցությունը COP29 համաժողովին և ընդգծել, որ դա ցույց է տալիս Ղազախստանի համերաշխությունը մեր երկրի հետ և նպաստել միջոցառման հաջող անցկացմանը։

Իլհամ Ալիևը հույս է հայտնել, որ Օլժաս Բեկտենովի այցի ընթացքում մանրամասն կքննարկվեն համատեղ կարևոր նախագծերը, նշել է, որ Ադրբեջանն ու Ղազախստանը սոցիալ-տնտեսական զարգացման լավ ցուցանիշներ են ցուցադրում և ընդգծել երկու երկրների դերը տարածաշրջանում և միջազգային ասպարեզում։

Օլժաս Բեկտենովը, անդրադառնալով երկկողմ հարաբերությունների ներուժին, հայտնել է, որ Ղազախստանի և Ադրբեջանի կառավարություններն աշխատում են պետությունների ղեկավարների մակարդակով ձեռք բերված պայմանավորվածությունների իրականացման ուղղությամբ։ Այս համատեքստում նա ընդգծել է, որ ակտիվ աշխատանքներ են տարվում Անդրկասպյան մուլտիմոդալ տրանսպորտային երթուղու զարգացման ուղղությամբ, ինչպես նաև հայտնել , որ անցած տարի այս երթուղիով բեռնափոխադրումները աճել են 60%-ով։

Զրույցի ընթացքում գոհունակություն է արտահայտվել բոլոր ոլորտներում ադրբեջանա-ղազախական համագործակցության զարգացման կապակցությամբ։ Ընդգծվել է, որ վերջին երեք տարիների ընթացքում երկու երկրների միջև տարեկան ապրանքաշրջանառությունն աճել է մոտ երեք անգամ, աճում է նաև բեռնափոխադրումների, այդ թվում՝ տարանցիկ փոխադրումների ծավալը։

Հանդիպմանը քննարկվել են ներդրումային նախագծերին աջակցությունը համատեղ ներդրումային հիմնադրամի միջոցով, նավթագազային համատեղ նախագծերի իրականացումը, ինչպես նաև Բաքու-Թբիլիսի-Ջեյհան նավթամուղով ղազախական նավթի փոխադրումների ավելացման հեռանկարները:

11:01

Մարտի 3-ին Ադրբեջանի նախագահ Իլհամ Ալիևն ընդունել է՝ Ղազախստանի վարչապետ Օլժաս Բեկտենովին։ 

Ինչպես հայտնում է Caliber.Az-ը, այս մասին տեղեկություն է տեղադրվել պետության ղեկավարի պաշտոնական կայքում։