Ադրբեջանը կմիանա ԵԽ մարդկանց թրաֆիքինգի դեմ պայքարի մասին կոնվենցիային

Ադրբեջանը կմիանա Եվրոպայի խորհրդի «Մարդկանց թրաֆիքինգի դեմ պայքարի մասին» կոնվենցիային։

Ինչպես տեղեկացնում է Report-ը, այս մասին հայտարարել է Միլլի Մեջլիսի մարդու իրավունքների կոմիտեի նախագահ Զահիդ Օրուջը՝ այսօր Մարդու իրավունքների, իրավական քաղաքականության և պետականաշինության կոմիտեների նիստում մարդկանց առևտրի դեմ պայքարի ազգային համակարգողի տարեկան զեկույցի քննարկման ժամանակ:

Նա նշել է, որ այս կապակցությամբ պատրաստված օրենքի նախագիծը ներկայումս գտնվում է հաստատման փուլում։

Եվրոպայի խորհրդի մարդկանց թրաֆիքինգի դեմ պայքարի մասին կոնվենցիան միջազգային կոնվենցիա է, որն ընդունվել է 2005 թվականի մայիսի 16-ին և ուժի մեջ մտել 2008 թվականի փետրվարի 1-ին։