Ադրբեջանը պլանավորում է ընդունել գազի ոլորտի զարգացման պետական ծրագրեր

Ադրբեջանը պլանավորում է ընդունել գազամատակարարման ոլորտի զարգացման պետական ծրագրեր։

Ինչպես հաղորդում է Caliber.Az-ը, «Գազամատակարարման մասին» օրենքի նախագիծը քննարկման է ներկայացվել Միլլի Մեջլիսի բնական պաշարների, էներգետիկայի և էկոլոգիայի հարցերով հանձնաժողովում։

Օրենքի նախագծի համաձայն՝ լիազորված գործադիր մարմինը կընդունի գազի ոլորտի զարգացման կարճաժամկետ (5 տարի ժամկետով), միջնաժամկետ (5-ից 10 տարի ժամկետով) և երկարաժամկետ (10 տարուց ավելի ժամկետով) պետական ծրագրեր։

Գազամատակարարման զարգացման պետական ծրագրերի նախագծերի համար «Շրջակա միջավայրի վրա ազդեցության գնահատման մասին» օրենքով սահմանված կարգով կպատրաստվի ռազմավարական բնապահպանական գնահատման փաստաթուղթ, և կիրականացվի այդ փաստաթղթի պետական բնապահպանական գնահատում։