ԱՀ խորհրդարանը TURKPA-ի շրջանակներում բնապահպանական կրթության մասին օրենքի նախագիծ է պատրաստել

Միլլի Մեջլիսի կողմից TURKPA-ի շրջանակներում մշակված «Բնապահպանական կրթության և բնակչության իրազեկման մասին» օրենքի նախագիծը կքննարկվի համապատասխան հանձնաժողովի առաջիկա նիստում։

Ինչպես հայտնում է Caliber.Az-ը, այս մասին Բաքվում TURKPA անդամ խորհրդարանների առողջապահական հանձնաժողովների նախագահների երկրորդ նիստի ժամանակ հայտարարել է Միլլի Մեջլիսի ապարատի սոցիալական օրենսդրության բաժնի ղեկավար Ադիլ Վելիևը։

Նրա խոսքով, նախագիծը նպատակ ունի նպաստել անդամ երկրներում բնապահպանական կրթությանն ու իրազեկության բարձրացմանը, հատկապես երիտասարդ սերնդի շրջանում:

Վելիևը հավելել է, որ կանխատեսումների համաձայն՝ մինչև 2050 թվականը երկրագնդի բնակչության մոտ 70%-ը կապրի քաղաքներում, ինչը չափազանց արդիական է դարձնում շրջակա միջավայրի վրա ուրբանիզացիայի բացասական ազդեցության նվազեցման հարցը։ «Ժամանակն է առաջնահերթություն տալ այնպիսի նպատակների, ինչպիսիք են քաղաքային բնակչության առողջության պաշտպանությունը, զբաղվածության ապահովումը, կանաչ գոտիների տարածքի ավելացումը և թափոնների կառավարումը: Այս նպատակներին հասնելու համար անհրաժեշտ է բնապահպանական կրթություն և դաստիարակում, ինչպես նաև կադրերի վերապատրաստում այս ոլորտում», - ասել է նա: