Ալի Քերիմլին կմնա կալանքի տակ

Բաքվի վերաքննիչ դատարանը քննել է Ադրբեջանի ժողովրդական ճակատ կուսակցության (ԱԺՃԿ) նախագահ Ալի Քերիմլիի նկատմամբ կիրառված նախնական կալանքի դեմ բողոքը։

Report-ի փոխանցմամբ՝ բողոքը մերժվել է, նախնական կալանքի միջոցը ուժի մեջ է մնացել:

Հիշեցնենք, որ Սաբայիլի շրջանային դատարանը Ալի Քերիմլիին կալանքի տակ պահելու որոշում է կայացրել երկու ամիս 15 օր ժամկետով։ Ալի Քերիմլին, ԱԺՃԿ նախագահության անդամ Մամեդ Իբրահիմի հետ միասին, մեղադրվում է Քրեական օրենսգրքի 278.1 հոդվածով (իշխանությունը բռնի զավթելու կամ պետության սահմանադրական կարգը բռնի կերպով փոխելուն ուղղված գործողություններ)։ Երկուսն էլ կալանավորվել են Ռամիզ Մեհդիևի դեմ ՊԱԾ կողմից հարուցված քրեական գործի շրջանակներում։