Ալիև. Հայաստանը խախտել է միջազգային իրավունքի բոլոր նորմերը և սկզբունքները

Հայաստանը խախտել է միջազգային իրավունքի բոլոր նորմերը և սկզբունքները, օկուպացրել է մեր հողերի մոտ 20 տոկոսը, վարել էթնիկ զտումների քաղաքականություն, իրագործել Խոջալուի ցեղասպանությունը, ավերել մեր բոլոր քաղաքներն ու գյուղերը։ Արևմտյան որևէ պետության պաշտոնական ներկայացուցիչ երբևէ նկատողություն արե՞լ է նրանց։ Ո'չ:

AZERTAC-ի փոխանցմամբ՝ այս մասին հոկտեմբերի 4-ին Ջաբրայիլի բնակիչների հետ հանդիպման ժամանակ հայտարարել է Ադրբեջանի նախագահ Իլհամ Ալիևը։

Նշելով, որ Մինսկի խումբը զբաղվում էր այդ դեպքերը կոծկելով, ինչ-որ չափով արդարացնելով հայկական օկուպացիան և մղելով Ադրբեջանին դեպի նվաստացուցիչ խաղաղություն, պետության ղեկավարն ասել է. «Երբ մենք մեր արդար ձայնը բարձրացնում էինք միջազգային բոլոր հարթակներում, մեզ ասում էին, որ մեր խոսքերը չափազանց կտրուկ են: Այս կոշտ հռետորաբանությունը ոչ թե մոտեցնում է խաղաղությանը, այլ ավելի հեռացնում: Այս հակամարտությունը ռազմական լուծում չունի. Այսինքն՝ Ֆրանսիան և նման արևմտյան պետություններն ամեն ինչ անում էին այս օկուպացիան հավերժացնելու համար»։