Ալիևն ընդունել է The Goldman Sachs ընկերության նախագահին

Օգոստոսի 19-ին Ադրբեջանի նախագահ Իլհամ Ալիևն ընդունել է The Goldman Sachs Group Inc. ընկերության գլոբալ հարցերով նախագահ Ջարեդ Քոենին։

Ինչպես հաղորդում է Caliber.Az-ը, այս մասին տեղեկատվությունը զետեղված է պետության ղեկավարի պաշտոնական կայքում։

Զրույցի ընթացքում գոհունակությամբ նշվել է Իլհամ Ալիևի և Ջարեդ Քոենի այս տարվա հունվարին Դավոսում կայացած հանդիպումը։ Ընդգծվել է, որ Ադրբեջանը և The Goldman Sachs Group Inc.-ը արդյունավետ համագործակցում են 2010 թվականից ի վեր, շեշտվել է Ադրբեջանի Հանրապետության պետական նավթային հիմնադրամի հաջող գործընկերությունը ընկերության հետ։

Անդրադարձ է եղել օգոստոսի 8-ին Վաշինգտոնում ԱՄՆ նախագահի աջակցությամբ Հայաստանի հետ խաղաղության օրակարգի առաջխաղացման գործում ձեռք բերված արդյունքների կարևորությանը, նշվել է, որ այս առաջընթացը լայն հնարավորություններ է բացում տարածաշրջանի համապարփակ զարգացման համար։ Հանդիպմանը մտքերի փոխանակություն է տեղի ունեցել համագործակցության հեռանկարների վերաբերյալ։