Ալիևը հրամանագիր է ստորագրել կենսաթոշակների և սոցիալական նպաստների բարձրացման մասին

Ադրբեջանի նախագահ Իլհամ Ալիևը հրամանագիր է ստորագրել մի շարք կենսաթոշակների և սոցիալական նպաստների բարձրացման մասին։

Ինչպես հաղորդում է Caliber.Az-ը, այս մասին տեղեկատվությունը զետեղված է պետության ղեկավարի պաշտոնական կայքում։

Փաստաթղթի համաձայն՝ այս տարվա հուլիսի 1-ից 81-100% հաշմանդամություն ունեցող անձանց սոցիալական նպաստը կկազմի 300 մանաթ, 61-80% հաշմանդամություն ունեցող անձանց նպաստը՝ 250 մանաթ, 31-60% հաշմանդամություն ունեցող անձանց նպաստը՝ 180 մանաթ, իսկ ընտանիքի կերակրողի կորստի համար սոցիալական նպաստը՝ 140 մանաթ։