Բաքվի մետրոյի կայարանում առաջին անգամ կին է ծննդաբերել «Հատուկ ուղևոր՝ անվճար ճանապարհորդությամբ»

«Մետրոյի «20 հունվարի» կայարանում ծնված տղային կտրվի «Հատուկ ուղևորի» կարգավիճակ, և նա կկարողանա անվճար օգտվել մայրաքաղաքի «մետրոյի» ծառայություններից մինչև 25 տարեկան դառնալը»։

Այս մասին Caliber.Az-ին հայտնել է «Բաքվի մետրոպոլիտեն» ՓԲԸ-ի երթևեկության ծառայության ղեկավար Անար Զամանովը, ով նշել է, որ նման բան մայրաքաղաքի մետրոյի 58-ամյա պատմության մեջ տեղի է ունեցել առաջին անգամ։

«Այս իրադարձությունը ևս մեկ անգամ ցույց է տալիս, որ մետրոյի թիմը պատրաստ է ոչ միայն լուծել տեխնիկական և անվտանգության հարցեր, այլև պաշտպանել մարդկանց կյանքն ու առողջությունը։ Մենք հպարտանում ենք մեր աշխատակիցների պրոֆեսիոնալիզմով։ Իսկ ծննդաբերած կնոջ ընտանիքին կհանձնենք մեր նվերները», - նշել է Ա. Զամանովը։