Բաքվում կկայանա Հաղթանակի օրվան նվիրված համերգ և հրավառություն Ինչպես նաև ռազմական շքերթ

Նոյեմբերի 8-ին Բաքվի Ծովափնյա զբոսայգում կկայանա Հաղթանակի օրվան նվիրված տոնական համերգ։

Caliber.Az-ի փոխանցմամբ՝ միջոցառումը կսկսվի ժամը 20:00-ին ժամացույցի աշտարակի մոտ՝ Հեյդար Ալիևի հիմնադրամի, Մշակույթի նախարարության և Բաքվի քաղաքային գործադիր իշխանության կազմակերպչական աջակցությամբ։

Բեմում ելույթ կունենան հայտնի արտիստներ, երգիչներ և պարային խմբեր։ Տոնական երեկոն կավարտվի հրավառությամբ:

Բացի այդ, Հաղթանակի օրվա կապակցությամբ Բաքվի Ազադլըգ հրապարակում կանցկացվի ռազմական շքերթ։