Բրազիլիան լավ արդյունքներ է ակնկալում COP29-ից

Մենք լավ արդյունքներ ենք ակնկալում Բաքվում կայանալիք COP29 կլիմայական համաժողովից։

Ինչպես փոխանցում է Caliber.Az-ը, այս մասին հայտարարել է Բրազիլիայի հանքարդյունաբերության և էներգետիկայի նախարար Ալեքսանդր Սիլվեյրան Բաքվում ՄԱԿ-ի Կլիմայի փոփոխության վերաբերյալ համաժողովի շրջանակներում կազմակերպված պանելային նիստում:

«Ցավոք, մարդկանց մեծ մասն այսօր կենտրոնացած է այն բանի վրա, ինչին չի կարող հասնել բազմակողմանիությունը: Մենք պետք է ապահովենք բազմակողմանիության ամրապնդումը մեր կազմակերպած միջոցառումների շրջանակում։ Կարծում եմ՝ մենք միշտ կընդգծենք անցյալ տարի ԱՄԷ-ում ձեռք բերված կոնսենսուսի նշանակությունը {COP28}-ում և ակնկալում ենք նմանատիպ արդյունք այստեղ՝ Բաքվում», - ասել է նա։