COP29. Ընդունվել է Կասպից ծովի մակարդակի նվազման հետ կապված համագործակցության ուժեղացման մասին հռչակագիր

COP29-ի շրջանակներում ընդունվել է «Կասպից ծովի մակարդակի նվազման հետ կապված համագործակցության ուժեղացման մասին Կասպից ծովի երկրների նախարարների և բարձրաստիճան պաշտոնյաների հռչակագիրը»։

Ինչպես հաղորդում է Caliber.Az-ը, փաստաթուղթն ընդունվել է «Կասպից ծովի մակարդակի նվազումը կլիմայի փոփոխության ֆոնին» թեմայով մերձկասպյան երկրների պաշտոնյաների հանդիպման արդյունքներով, որը կազմակերպվել է Էկոլոգիայի և բնական պաշարների նախարարության և Կասպից ծովի ծովային միջավայրի պաշտպանության շրջանակային կոնվենցիայի քարտուղարության հետ համատեղ։

Ադրբեջանի տաղավարում կայացած քննարկումներին մասնակցել են նաև ՄԱԿ-ի շրջակա միջավայրի ծրագրի (UNEP) գործադիր տնօրեն Ինգեր Անդերսենը, Համաշխարհային բանկի, Կանաչ կլիմայի հիմնադրամի և այլ միջազգային կազմակերպությունների ներկայացուցիչներ։