Ղազախստանի փոխվարչապետը՝ AZAL-ի ինքնաթիռի կործանման հնարավոր պատճառների մասին

Ակտաուում ճեպազրույց է տեղի ունեցել փոխվարչապետ Կանատ Բոզումբաևի մասնակցությամբ, ով գլխավորում է AZAL-ի ինքնաթիռի կործանման պատճառները հետաքննող կառավարական հանձնաժողովը։

Այս մասին հայտնում է Caliber.Az-ը՝ հղում անելով ղազախական լրատվամիջոցներին։

«Վաղը սպասվում է, որ Embraer-ի ներկայացուցիչները կժամանեն Ակտաու»,- ասել է նա ճեպազրույցի ժամանակ։

Ավելի ուշ Tengrinews.kz-ի թղթակցի հետ զրույցում Կանատ Բոզումբաեւը նշել է, որ Ակտաուի մոտ տեղի ունեցած ավիավթարի հետաքննությունը շարունակվում է։

Նրա խոսքով, պաշտոնյաները չեն ծրագրում արձագանքել ավիաաղետի պատճառների մասին ԶԼՄ-ների պնդումներին, քանի որ չեն հասկանում, թե ինչ աղբյուրների վրա է հիմնված այդ տեղեկությունը։

«Այսօր մենք չենք կարող հաստատել կամ հերքել վարկածներից որևէ մեկը։ Նախաքննությունը շարունակվում է»,- ասել նա։