Ի. Ալիևը ընդունել է Եգիպտոսի նոր դեսպանի հավատարմագրերը

Հոկտեմբերի 16-ին Ադրբեջանի նախագահ Իլհամ Ալիևն ընդունել է՝ Ադրբեջանում Եգիպտոսի նորանշանակ արտակարգ և լիազոր դեսպան Հուսամ Էլդին Ռեդայի հավատարմագրերը։
 
Caliber.Az-ի փոխանցմամբ՝ այս մասին տեղեկատվությունը տեղադրվել է պետության ղեկավարի պաշտոնական կայքում։
 
Իլհամ Ալիևը նախ շնորհավորել է Եգիպտոսին՝ Շարմ էլ Շեյխում Մերձավոր Արևելքի խաղաղության գագաթնաժողովի գերազանց կազմակերպման կապակցությամբ։ Պետության ղեկավարը բարձր է գնահատել ԱՄՆ նախագահ Դոնալդ Թրամփի և Եգիպտոսի նախագահ Աբդել Ֆաթթահ էլ Սիսիի կողմից՝ այդ միջոցառմանը Ադրբեջանին հրավիրերը՝ այն որակելով որպես վստահության և բարեկամության նշան։
 
Իլհամ Ալիևը գոհունակությամբ հիշել է Եգիպտոսի նախագահի այցը Ադրբեջան, ինչպես նաև իր պաշտոնական այցը Եգիպտոս և անդրադարձել այդ այցելությունների շրջնակներում քննարկված խնդիրների կատարմանը։
 
Նշվել է միջկառավարական հանձնաժողովի աշխատանքի նշանակությունը, և որ մոտ ապագայում կկայանա դրա հաջորդ նիստը։ Ընդգծվել է, որ Բաքվի, Շարմ էլ Շեյխի և Կահիրեի միջև ուղիղ չվերթները նպաստում են զբոսաշրջային կապերի զարգացմանը։ Հանդիպմանը քննարկվել են նաև՝ մշակութային և հումանիտար ոլորտներում համագործակցության հեռանկարները։