Իգդիրի բնակիչները հարգել են հայկական ահաբեկչության զոհերի հիշատակը

Հայաստանին սահմանակից Թուրքիայի Իգդիր նահանգի դպրոցների և ճեմարանների հարյուրավոր աշակերտներ և ուսուցիչներ ապրիլի 22-ին մասնակցել են հայկական ավազակախմբերի կողմից իրականացված հանցագործությունների զոհերի հուշարձան-թանգարանի մոտ կազմակերպված ցույցին:

Ինչպես հայտնում է AZERTAC-ը, միջոցառումն անցկացվել է Թուրքիայի արևելյան նահանգի Կրթության ազգային տնօրինության կողմից հաստատված «Քաղաքի հիշողությունը պատմության լույսի ներքո» նախագծի շրջանակներում։

Դիմելով միջոցառման մասնակիցներին՝ Իգդիրի նահանգապետ Էրջան Թուրանը կոչ է արել երիտասարդ սերնդին հարգել 1915-1920 թվականներին հայերի կողմից սպանված տեղի բնակիչների հիշատակը։

«Իգդիրի շատ բնակավայրեր վկա են հայերի արյունալի հանցագործություններին: Այդ ընթացքում կոտորածներ են տեղի ունեցել Օբա, Հաքմեհմեթ գյուղերում և Իգդիրի շատ այլ մասերում: Ինչպես յուրաքանչյուր Իգդիրի բնակիչ, ես հարգում եմ նահատակների հիշատակը»,- ասել է նահանգապետը:

Ակցիան շարունակվել է թուրքական դրոշներով երթով Իգդիրի փողոցներով։