Իրանի ԱԳՆ ներկայացուցիչ. Կասպից ծովի մակարդակի շարունակական անկումը կարող է հանգեցնել էկոլոգիական ճգնաժամի

Կասպից ծովի զգալի ծանծաղացումը կապված է կլիմայի փոփոխության և մարդածին գործոնների հետ:

Ինչպես հաղորդում է Caliber.Az-ը, այս մասին COP29-ի շրջանակներում ադրբեջանական տաղավարում կլիմայի փոփոխության պատճառով Կասպից ծովի մակարդակի անկմանը նվիրված միջոցառմանը ասել է Իրանի ԱԳ նախարարի Կասպից ծովի հարցերով օգնական Ալիռեզա Ջահանգիրին։

Նրա խոսքով, դա վտանգ է ներկայացնում ծովի բուսական ու կենդանական աշխարհի, ինչպես նաև առափնյա տարածքների սոցիալ-տնտեսական զարգացման համար՝ զգալի հետևանքներով բնակչության համար։

«Ծովի մակարդակի շարունակական անկումը ներկայիս տեմպերով կարող է կործանարար հետևանքներ ունենալ և հանգեցնել բնապահպանական ճգնաժամի, ներառյալ փոքր ծովածոցերի և ջրաճահճային տարածքների չորացումը», - ասել է նա: