Կարմիր Խաչը՝ Ադրբեջանում իր առաքելության ավարտի մասին

Ադրբեջանի կառավարության որոշմամբ՝ Կարմիր Խաչի Միջազգային Կոմիտեն (ԿԽՄԿ) երկրում իր առաքելությունը կավարտի 2025 թվականի սեպտեմբերի 3-ին։

Այս մասին APA-ին տեղեկացրել են ԿԽՄԿ-ից։

Նշվում է, որ ԿԽՄԿ-ն, իր մանդատի և Ժնևյան կոնվենցիաներով ստանձնած Ադրբեջանի պարտավորությունների համաձայն, կշարունակի համագործակցել երկրի իշխանությունների հետ՝ միջազգային մարդասիրական իրավունքով պաշտպանված անձանց աջակցություն ցուցաբերելու համար. «Մենք մտադիր ենք շարունակել երկխոսությունը մարդասիրական դիվանագիտության և փոխադարձ հետաքրքրություն ներկայացնող այլ մարդասիրական թեմաների շուրջ»։