Կրթության թուրքական հիմնադրամը՝ Ղարաբաղում դպրոցի բացման մասին

Կրթության թուրքական հիմնադրամը (TMV) նախատեսում է մոտ ապագայում դպրոց բացել Ղարաբաղում։

Caliber.Az-ի փոխանցմամբ՝ այս մասին հայտարարել է Հիմնադրամի խորհրդի նախագահ Բիրոլ Աքգյունը՝ «Մաարիֆ» միջազգային դպրոցի «Գյանջլիկ» կամպուսի բացման արարողության ժամանակ։

Նրա խոսքով, նախատեսվում է դպրոցներ բացել նաև Գյանջայում և Նախչըվանում։

Աքգյունը նշել է, որ Թուրքիայի և Ադրբեջանի համագործակցությունը կրթության ոլորտում հաջողությամբ շարունակվում է արագ տեմպերով։