Լեհաստանը պատրաստ է օգնել Ադրբեջանին Ակտաուում ավիավթարի հետաքննության հարցում

Լեհաստանը պատրաստ է աջակցել դեկտեմբերի 25-ին Բաքվից Գրոզնի թռչող AZAL-ի մարդատար ինքնաթիռի վթարը հետաքննող ադրբեջանցի մասնագետներին՝ օգտագործելով իր փորձն ու աշխատանքային մեթոդները։

Այս մասին Caliber.Az-ին հայտնել են Լեհաստանի արտաքին գործերի նախարարությունից։

«Լեհական գիտահետազոտական ինստիտուտները և պետական կառույցները ճանաչվում են որպես ավիացիոն անվտանգության ոլորտում ամենափորձառուներից մեկը աշխարհում: Մեր ռազմական և քաղաքացիական վերլուծաբանները բազմիցս ցուցադրել են իրենց արդյունավետությունը ավիացիոն պատահարների պատճառների հետաքննության գործում։ Մենք ունենք սև արկղերի տվյալների վերծանման և թռիչքի պարամետրերի վերլուծության զգալի փորձ»,- նշել են գերատեսչությունում։