Լեյլա և Արզու Ալիևները՝ «Ադրբեջանի երեխաներ» միավորման նոր շենքի բացմանը ԼՈՒՍԱՆԿԱՐ

Հեյդար Ալիևի Հիմնադրամի փոխնախագահ Լեյլա Ալիևան և Բաքվի մեդիա կենտրոնի ղեկավար Արզու Ալիևան մասնակցել են «Ադրբեջանի երեխաներ» հասարակական միավորման նոր շենքի բացմանը։

Ինչպես հաղորդում է ԱՊԱ-ն, այս մասին տեղեկությունը զետեղված է «Ադրբեջանի երեխաներ» հասարակական միավորման սոցցանցերի էջերում։

Լեյլա Ալիևայի նախաձեռնությամբ կառուցված շենքի բացման արարողության ժամանակ «Ադրբեջանի երեխաներ» ՀԿ նախագահ Քյամալա Աղազադեն հյուրերին տեղեկացրել է հասարակական միավորման և նրան առընթեր գործող «Վերաինտեգրման կենտրոն» մանկատան մասին և նրանց ծանոթացրել շենքում ստեղծված պայմաններին։

Այստեղ անհրաժեշտ պայմաններ են ստեղծվել խոցելի խմբերի, ընտանեկան բռնության զոհ դարձած և անօթևան երեխաների արդյունավետ վերականգնման և սոցիալական վերաինտեգրման, նրանց սոցիալական, բժշկական, հոգեբանական, իրավական, կրթական և մասնագիտական ծառայությունների մատուցման համար։