Միլլի Մեջլիսն ընդունել է սպաների զինվորական ծառայության ժամկետը կրճատելու մասին փոփոխություն ՄԱՆՐԱՄԱՍՆԵՐ

Միլլի Մեջլիսը վերջին ընթերցմամբ ընդունել է խաղաղ ժամանակ սպաների զինվորական ծառայության ժամկետը վեց ամսով կրճատելու մասին փոփոխությունը։

Report-ի փոխանցմամբ, խորհրդարանականները այսօրվա լիագումար նիստում ընդունել են «Զինվորական ծառայության մասին» կանոնակարգը հաստատելու մասին» և «Զինապարտության և զինվորական ծառայության մասին» օրենքներում համապատասխան փոփոխությունները։

Փոփոխությունների համաձայն, պահեստազորից պարտադիր զինվորական ծառայության զորակոչված կամ պայմանագրային հիմունքներով զինվորական ծառայության անցած սպաների զինվորական ծառայության ժամկետը խաղաղ ժամանակ կրճատվելու է վեց ամսով՝ մինչև մեկ տարի (ներկայումս այդ ժամկետը մեկ տարի վեց ամիս է)։

Օրինագիծը նաև սահմանում է, որ պարտադիր զինվորական ծառայության ընթացքում սպայական պատրաստությունը հաջողությամբ ավարտած և կամավոր կերպով զինվորական ծառայության անցած բարձրագույն կրթություն ունեցող զինծառայողներին շնորհվելու է լեյտենանտի կոչում։