Միլլի Մեջլիսում առաջարկել են փոխել աշխատակիցներին աշխատանքից ազատելու կանոնները. ՄԱՆՐԱՄԱՍՆԵՐ

Ադրբեջանում փոփոխություններ են մտցվում աշխատակիցներին աշխատանքից ազատելու կանոններում։

Report-ի փոխանցմամբ՝ առաջարկը քննարկվել է Տարածաշրջանային հարցերով խորհրդարանական հանձնաժողովի այսօրվա նիստում։

Ըստ փոփոխությունների՝ աշխատակիցը կարող է աշխատանքից ազատվել, եթե պարտադիր բժշկական զննման արդյունքում բացահայտվեն հակացուցումներ աշխատանքային պարտականությունների կատարմանը։

Բացի այդ, աշխատանքից ազատումը հնարավոր կլինի, եթե աշխատակիցը հրաժարվի անցնել աշխատանքային անվտանգության պարտադիր ուսուցում և գիտելիքների ստուգում սահմանված կարգով, կամ եթե նա խոչընդոտի աշխատանքային պարտականությունների խախտումների քննությանը։

Առաջարկվում է նաև սահմանել, որ աշխատողի աշխատանքից հեռացման տևողությունը որոշվում է գործատուի կողմից՝ կախված կոնկրետ իրավիճակի բնույթից: