ՄՄ-ն կքննարկի «էկոցիդի» համար քրեական պատասխանատվություն սահմանելու հարցը

Ադրբեջանը կարող է քրեական պատիժ սահմանել (մինչև 15 տարվա ազատազրկում) էկոհամակարգին խոշոր չափերով դիտավորյալ վնաս պատճառելու համար։

Ինչպես հայտնում է Caliber.Az-ը, Միլլի Մեջլիսը վաղվա լիագումար նիստում կքննարկի Քրեական օրենսգրքում համապատասխան փոփոխությունները։

Ավելի վաղ հաղորդվել էր, որ Ադրբեջանի նախագահ Իլհամ Ալիևը, որպես օրենսդրական նախաձեռնություն, օրինագիծ է ներկայացրել Միլլի Մեջլիս, որի շրջանակներում առաջարկել է քրեական պատասխանատվություն սահմանել «էկոցիդի» համար։

Էկոհամակարգին դիտավորությամբ, խոշոր չափերի, երկարաժամկետ և ծանր վնաս պատճառելու հոդվածը նախատեսում է 10-ից 15 տարի ժամկետով ազատազրկում։