Մուխտար Բաբաևն աշխարհում քաղաքային բնակչության աճի մասին

Աշխարհում քաղաքային բնակչության մասնաբաժինը կարող է աճել ներկայիս 50%-ից մինչև 70% մինչև 2050 թվականը, ինչը կստեղծի լրացուցիչ մարտահրավերներ ենթակառուցվածքների և կլիմայի համար։

Ինչպես հաղորդում է Сaliber.Az-ը, այս մասին Բաքվում COP29-ի շրջանակներում ուրբանիզացիայի և կլիմայի հարցերով նախարարական հանդիպմանը հայտարարել է Ադրբեջանի բնապահպանության և բնական պաշարների նախարար, COP29-ի նախագահ Մուխտար Բաբաևը։

«Առաջիկա 5-7 տարում քաղաքային բնակչությունը կավելանա ավելի քան 500 միլիոն մարդով։ Սա լրացուցիչ բեռնվածություն կստեղծի քաղաքային ենթակառուցվածքների վրա՝ էներգամատակարարում, ջրամատակարարում, տրանսպորտային ցանց և այլ առանցքային համակարգեր: Այսօր քաղաքները պատասխանատու են ածխաթթու գազի համաշխարհային արտանետումների ավելի քան 70 տոկոսի համար»,- նշել է նախարարը։