Մուստաֆաևը՝ թյուրքական երկրներում դիպլոմների և գիտական կոչումների փոխադարձ ճանաչման մասին

Ադրբեջանում առաջարկել են կատարելագործել թյուրքական երկրներում բարձրագույն կրթության դիպլոմների և գիտական կոչումների փոխադարձ ճանաչման ընթացակարգը։

Ինչպես հաղորդում է Report-ը, նման առաջարկով հանդես է եկել Միջազգային թյուրքական ակադեմիայի նախագահ, ակադեմիկոս Շահին Մուստաֆաևը Բաքվում կայացած համաժողովում, որը կազմակերպել էին Ակադեմիան և Սոցիալական հետազոտությունների կենտրոնը։

Նրա խոսքով, կարևոր է թյուրքական պետությունների կրթական և գիտական միասնական քաղաքականության մշակումը, որը կամրապնդի նրանց դիրքերը ինչպես տարածաշրջանային, այնպես էլ գլոբալ մակարդակներում։

Նա նաև ընդգծել է ընդհանուր թյուրքական գրական լեզվի ստեղծման անհրաժեշտությունը։