Ալիևը և Օմուրալիևը քննարկել են Ադրբեջանի և ԹՓԿ միջև համագործակցության հեռանկարները

Հոկտեմբերի 6-ին Ադրբեջանի Հանրապետության նախագահ Իլհամ Ալիևը Գաբալայում ընդունել է՝ Թուրքական պետությունների կազմակերպության (ԹՓԿ) գլխավոր քարտուղար Կուբանիչբեկ Օմուրալիևին։
 
Caliber.Az-ի փոխանցմամբ՝ այս մասին տեղեկատվությունը տեղադրվել է Ադրբեջանի Հանրապետության ղեկավարի պաշտոնական կայքում։
 
Հյուրը շնորհավորել է Իլհամ Ալիևին՝ ԱՄՆ նախագահ Դոնալդ Թրամփի ներկայությամբ Վաշինգտոնում ձեռք բերված Ադրբեջանի և Հայաստանի միջև խաղաղության օրակարգի առաջխաղացման կապակցությամբ։ Պետության ղեկավարը շնորհակալություն է հայտնել շնորհավորանքի համար։
 
Կուբանիչբեկ Օմուրալիևը երախտագիտություն է հայտնել Իլհամ Ալիևին՝ ԹՓԿ-ի միջազգային հեղինակության հետագա ամրապնդման և անդամ և դիտորդ երկրների միջև համագործակցության ամրապնդման գործում Ադրբեջանի աջակցության համար։
 
Հանդիպմանը ընդգծվել է, որ Գաբալայում կայանալիք ԹՓԿ-ի պետությունների ղեկավարների խորհրդի 12-րդ գագաթնաժողովը նվիրված կլինի՝ «Տարածաշրջանային խաղաղություն և անվտանգություն» թեմային։ Նշվել է, որ միջոցառմանը կքննարկվեն կազմակերպության օրակարգում առկա արդիական հարցերը։
 
Իլհամ Ալիևը վստահություն է հայտնել, որ այս գագաթնաժողովը կծառայի՝ թուրքական աշխարհում բարեկամության, համերաշխության և գործընկերության ամրապնդմանը։
 
Զրույցի ընթացքում մտքեր են փոխանակվել՝ Ադրբեջանի և ԹՊԿ  միջև համագործակցության հեռանկարների  շուրջ։