Ադրբեջանում ամենապահանջված Թոփ-5 մասնագիտությունները

Ադրբեջանի աշխատանքի և բնակչության սոցիալական պաշտպանության նախարարությանը կից աշխատաշուկայի և սոցիալական պաշտպանության ազգային դիտարանը` աշխատաշուկայի ներկայիս վիճակը գնահատելու համար թափուր աշխատատեղերի լայնածավալ մոնիթորինգ է անցկացրել:
 
Ինչպես Report-ին հայտնել են Աշխատանքի նախարարությունից, վերջին երկու տարիների ընթացքում վերանայվել է 25,678 թափուր աշխատատեղ և որոշվել են ամենապահանջված հինգ առաջնահերթ մասնագիտական ​​ոլորտները՝ առևտրային ներկայացուցիչ, հաշվապահ, վարկային մասնագետ, աշխատանքի ընդունման և վաճառքի պլանավորման մասնագետ։
 
Վերլուծությունը ցույց է տալիս, որ այս մասնագիտություններում աշխատուժի պահանջարկի աճը սերտորեն կապված է աշխատաշուկայի ընդլայնման և կառուցվածքային փոփոխությունների հետ։
 
Յուրաքանչյուր չորրորդ թափուր աշխատատեղը պատկանում է մեծածախ և մանրածախ առևտրի ոլորտում գործող ձեռնարկություններին։ Բանկային  հատվածը թափուր աշխատատեղերի քանակով առաջատարն է առաջին տասնյակում՝ 9.2% մասնաբաժնով։
 
Թափուր աշխատատեղերի 76.2%-ը պահանջում է առնվազն 1-ից 2 տարվա աշխատանքային փորձ, իսկ 67.2%-ը՝  բարձրագույն կրթության բակալավրի աստիճանի առկայությունը։