Ադրբեջանում ավելացել է հետմահու՝ օրգանների դոնոր դառնալու ցանկություն ունեցողների թիվը

Մահից հետո դոնոր դառնալու ցանկություն ունեցող քաղաքացիների թիվը՝ 2023 թվականի համեմատ զգալիորեն աճել է։
 
Այս մասին APA-ին հայտնել են՝ Առողջապահության նախարարության օրգանների դոնորության և փոխպատվաստման համակարգող կենտրոնից։
 
Նշվել է, որ չնայած նրան, որ մահից հետո դոնոր դառնալ ցանկացողների ընդհանուր թիվը փոքր է, սա դրական քայլ է, որը  վկայում է մարդասիրության մասին։
 
«Մենք հավատում ենք, որ այս նախաձեռնությունը կշարունակվի, և ավելի ու ավելի շատ մարդիկ կցանկանան դառնալ դոնոր: Դոնորային յուրաքանչյուր նոր  դիմում նշանակում է մեկ այլ հույս և կյանք մեկ այլ մարդու համար: Մեկ դոնորը կարող է կյանք ու հույս տալ 8 մարդու»։
 
Նշվել է նաև, որ առողջ օրգանները կարող են նոր կյանք  տալ մի քանի մարդու, ուստի բոլորը պետք է զգայուն լինեն այս թեմայի նկատմամբ և տեղեկացված լինեն օրգանների նվիրատվության մասին։ Այդ նպատակով Կենտրոնն իրականացնում է կրթական միջոցառումներ: Իրականացված աշխատանքների արդյունքում 2024 թվականից դոնորների թիվն ավելացել է։