Ադրբեջանում հաստատվել են միջազգային չվերթների իրականացման կանոնները

Ադրբեջանում հաստատվել են «Օդանավերի միջազգային թռիչքների, ուսումնական թռիչքների և հատուկ ավիացիոն գործունեության հետ կապված թռիչքների իրականացման կանոնները»։
 
Ինչպես հաղորդում է Trend-ը, այս կապակցությամբ Ադրբեջանի վարչապետ Ալի Ասադովը ստորագրել է համապատասխան որոշում։
 
Օդանավերի թռիչքները, այդ թվում՝ միջազգային, իրականացվում են՝ օդային տարածքի օգտագործման և թռիչքների կանոններին համապատասխան։
 
Որոշման հիման վրա, բացառությամբ ինքնաթիռների վայրէջքի և վերելքի համար անհրաժեշտ դեպքերի, կամ Ադրբեջանի Հանրապետության թվային զարգացման և տրանսպորտի նախարարությանը կից Քաղաքացիական ավիացիայի գործակալության (այսուհետ՝ Գործակալություն) թույլտվությամբ, արտակարգ իրավիճակի դեպքում ինքնաթիռի թռիչքը քաղաքների կամ ավանների խիտ բնակեցված տարածքների կամ բաց երկնքի տակ մարդաշատ վայրերի վրայով չի թույլատրվում, եթե ինքնաթիռը չի գտնվում այնպիսի բարձրության վրա, որը թույլ է տալիս վայրէջք կատարել՝ առանց մարդկանց կյանքին և առողջությանը կամ գույքին  վտանգ ստեղծելու։