Ադրբեջանում խստացվել է կենդանիների նկատմամբ դաժան վերաբերմունքի համար պատիժը

Ադրբեջանում խստացվել է կենդանիների նկատմամբ դաժան վերաբերմունքի համար պատասխանատվությունը։
 
Caliber.Az-ի փոխանցմամբ՝ այս մասին գլխավոր դատախազության սոցիալական ցանցերի էջում ուղիղ հեռարձակման ժամանակ հայտարարել է՝ գլխավոր դատախազության իրավական աջակցության և մարդու իրավունքների  վարչության պետ Այնուր Օսմանովան։
 
Նրա խոսքով՝ Վարչական իրավախախտումների մասին օրենսգրքի նոր դրույթները նախատեսում են ավելի խիստ պատասխանատվություն՝ կենդանիների նկատմամբ խոշտանգումների, դաժան վերաբերմունքի և կենդանիների միջև կռիվներ կազմակերպելու համար։
 
«Նման գործողություններ կատարող անձինք այժմ ավելի խիստ կպատժվեն», - ընդգծել է Այնուր Օսմանովան։