ԱՀ խորհրդարանն ընդունել է «Տրանսպորտի մասին» օրենքում փոփոխությունները

Ադրբեջանի Միլլի Մեջլիսը երրորդ՝ վերջնական ընթերցմամբ ընդունել է՝ «Ադրբեջանական երկաթուղիների» և նրա ենթակա կառույցների գործունեության հիմնական ոլորտներում աշխատանքներ կատարելու լիցենզիաներ և թույլտվություններ ստանալու պահանջի վերացումը:
 
Ինչպես հայտնում է Report-ը, խորհրդարանի այսօրվա լիագումար նիստում քննարկվել է՝ «Տրանսպորտի մասին» օրենքում փոփոխություններ կատարելու մասին օրինագիծը։
 
Փոփոխությունները թույլ կտան ներդնել միասնական կառավարման սկզբունքներ՝ տրանսպորտի և կապի ոլորտում գործող պետական ​​ձեռնարկություններում, ինչպես նաև ավելի արդյունավետ կդարձնեն նրանց աշխատանքը։